Dr Mills autim heve long rural helt long PNG long rural helt bung long Australia

Thursday, May 28, 2015

Ol lain husat i go pas long sait long rural health long Australia i nau save moa long heve we i stap long rural health long Papua New Guinea.Dispela i bihain long Dr David Mills, President blong PNG Society blong Rural na Remote Health i givim toktok long Australian National Rural Health Allaince Conference ol i holim long Darwin dispela wik.Em i tokim samting olsem 1000 long ol delegate long dispela bung olsem tok moa long half long 7-million pipol blong PNG, i nogat wanpela dokta i stap long district blong ol.

Dr Mills i tok ol delegate long dispela conference i shearim ol infomesen we i ken helpim ol long hau ol i ken dil wantaim heve ol i gat long shortage blong dokta.Dr Mills husat i Medical Superintendent long Kompiam Rural Hospital long Enga Provins i tok dispela kain bung em i gut long wanem ol i ken lainim long wanpela narapela long hau wanwan kantri i dil wantaim problem long helt long ol rural eria.

Radio Australia

Media Type: 
RADIO Radio Australia